काठमाडौं । विश्वकप क्रिकेट छनोटमा कुशलभुर्तेलले अर्धशतक पूरा गरेका छन् ।
आइतबार हरारेमा टस हारेर व्याटिङको निम्तो पाएको नेपालका लागि ओपनिङ गरेका कुशलले ६३ बलमा अर्धशतक पूरा गरेका हुन् ।
यस्तै, भुर्तेल टेष्ट राष्ट्रविरुद्ध पहिलो अर्धशतक प्रहार गर्ने नेपाली खेलाडी पनि बनेका छन् । त्यसक्रममा उनले ८ चौका हानेका छन् ।
२० औं ओभरको अन्तिम बलमा सिन विलियम्सलाई सिंगल प्रहार गर्दै भुर्तेलले अर्धशतक पूरा गरेका हुन् । एक दिवसीय क्रिकेटमा यो उनको छैटौं अर्धशतक हो ।
अर्का ओपनर आसिफ शेख २९ रनमा खेलिरहेका छन् । नेपालले पाँच वर्षपछि जिम्बाब्बेसँग ५० ओभरको खेल खेलेको हो ।
