काठमाडौं । कोशी प्रदेशका मुख्यमन्त्री हिक्मत कार्कीलाई राप्रपाले विश्वासको मत दिने भएको छ ।
बिहीबार राप्रपा कोशी प्रदेश संसदीय दलको बैठकले मुख्यमन्त्री हिक्मत कार्कीलाई विश्वासको मत दिने निर्णय गरेको हो।
कार्कीले बिहीबार विश्वासको मत लिँदैछन् । उनी माओवादी र जसपा सरकारबाट बाहिरिएपछि अल्पमतमा परेका थिए। कार्की नेतृत्वका सरकार झिनो अङ्कले अल्पमतमा छ। जसपाको १ सांसदले समर्थन गरेमा ४७ सांसदसहित उनको बहुमत पुग्नेछ।
यता, माअोवादी र कांग्रेसले सरकारको नेतृत्वमा दाबी गरिरहेकोले कोशीमा राजनीतिक दिशा अस्पष्ट देखिएको छ।
