काठमाडौं । प्रहरीको केन्द्रीय अनुसन्धान ब्युरो (सीआईबी)ले थप एकजना एमबीबीएस पढ्दै गरेका विद्यार्थीलाई पक्राउ गरेको छ ।
सिबाईका अनुसार पक्राउ पर्नेमा नमिस अख्तर रहेका छन् । उनलाई गएराति चितवनबाट पक्राउ गरिएको हो ।
प्रहरीका अनुसार अख्तरले आईएस्सीको प्रमाणपत्र किर्ते गरेको खुलेको छ । उनी चितवनको मेडिकल कलेजमा पढ्दै गरेका विद्यार्थी हुन् ।
सीआईबीले २५ साउनदेखि नक्कली शैक्षिक प्रमाणपत्रको आधारमा एमबीबीएस पढ्नेविरुद्ध अपरेसन नै चलाएर पक्राउ गर्न थालेको छ । हालसम्म सातजना पक्राउ परेका छन् ।
