हेटौंडा । मकवानपुरको हेटौंडा उपहानगरपालिका–१६ ठूलो आकाशधारा आपघारिस्थित एक घरमा आगलागी भएपछि उद्धारका लागि बाराबाट गएका दुई जनाको दुर्घटनामा मृत्यु भएको छ । हेटौंडा उपमहानगरपालिका–१६ पानीस्वारामा भएको दुर्घटनामा २ जनाको मृत्यु भएको हो । मृत्यु हुनेमा ट्र्याक्टर चालक बारा जिल्ला निजगढ नगरपालिका वडा नम्बर १३ का २६ वर्षीय डिलम थिङ र हेटौंडा १६ का ५६ वर्षीय जित बहादुर थिङ रहेका छन् ।
पानीस्वारा स्थित कच्चा सडकमा मधेश प्रदेश ०३–००१ त ६९८७ नम्बरको ट्र्याक्टर अनियन्त्रित भइ भिरबाट करिब ३०० मिटर तल खस्दा २ जनाको ज्यान गएको जिल्ला प्रहरी कार्यालय मकवानपुरले जनाएको छ ।
स्थानीय ताम्बा माईलाको घरमा आगलागी भएपछि उद्धारका लागि रतनपुर बाराबाट गएका स्थानीय ३६ वर्षिय लालबहादुर थिङ र जित बहादुर थिङको मृत्यु भएको हो । उनीहरु ठुलबुवा भतिज हुन । घटनास्थलतर्फ जाँदै गरेको ट्याक्टर दुर्घटना हुँदा उनीहरुको मृत्यु भएको हो । आगलागी भएको घर जलेर पूर्णरुपमा नष्ट भएको छ । जस्ताको छानो लगाएको दुई तले घरमा कोहि नभएको अवस्थामा विद्युत गडबडी भई आगो लागेको थियो ।
