काठमाडौं । धनुषामा मोटरसाइकल दुर्घटना हुँदा दुई जनाको मृत्यु भएको छ। लक्ष्मीनियाँ गाउँपालिका ४ सपही नजिकै शुक्रबार भएको दुर्घटनामा अर्का एकजना गम्भीर घाइते भएका छन्।
विदेह नगरपालिका १ का ३० वर्षीय जयकुमार सहनी र कमला नगरपालिका ८ का २५ वर्षीय भरत सहनीको मृत्यु भएको धनुषाका प्रहरी प्रवक्ता डीएसपी रञ्जन अवाले बताए। मोटरसाइकलमै सवार जनकपुरधाम उपमहानगरपालिका १२ का शत्रुधन सहनी गम्भीर घाइते छन्। उनलाई थप उपचारका लागि काठमाडौंको न्यूरो अस्पताल ल्याइएको छ।
बिहान जनकपुरधामबाट ढल्केबर तर्फ जाँदै गरेको प्रदेश २–०२–००२ प ४०९२ नम्बरको मोटरसाइकल लक्ष्मीनियाँ गाउँपालिका ४ सपही नजिकै अनियन्त्रित भएर दुर्घटना भएको डीएसपी अवाले जानकारी दिए।
