पोखरा । सूर्यदर्शन सहकारीका पीडितले जिल्ला अदालत पोखरा अगाडि बाटोमै सुतेर गरे विरोध गरिरहेका छन् । रास्वपा सभापति रवि लामिछानेका समर्थक अदालतमा भरिएको भन्दै उनीहरूलाई निकाल्न माग गर्दै पीडितले विरोध गरेका हुन् ।
‘रास्वपाका नेता कार्यकर्ता अदालत भरी छन् । पीडित पक्षकालाई प्रवेश गर्न दिइएन,’ पीडित सङ्घर्ष समितिका संयोजक किरण श्रेष्ठ भन्छन्, ‘पीडितलाई अवरोध गरेपछि प्रहरीले हस्तक्षेप गर्यो । हामी बाटोमै बस्यौँ ।’ पीडितहरू बाटोमा बसेपछि प्रहरीले रास्वपा नेता कार्यकर्तालाई पनि अदालत परिसरबाट निकालेको छ ।
