काठमाडौं । प्रभु बैंकको नाफा लोभलाग्दो गरी बढेको छ । चालु आर्थिक वर्षको दोस्रो त्रैमाससम्म आइपुग्दा बैंकको खुद नाफा ८५.४९ प्रतिशतले बढेको छ । बैंकले सो अवधिमा १ अर्ब ३३ करोड रुपैयाँ नाफा कमाएको हो । अघिल्लो वर्षको यसैअवधिमा बैंकले ७२ करोड ३ लाख रुपैयाँ खुद नाफा कमाएको थियो ।
बैंकको खुद ब्याज आम्दानी २.१२ प्रतिशतले बढेर ४ अर्ब ८६ करोड कायम भएको छ ।
बैंकको सञ्चालन नाफा ४५.९५ प्रतिशतले बढेर २ अर्ब ५२ करोड पुगेको छ । नाफा बढेसँगै बैंकको प्रतिसेयर आम्दानी पनि बढेको छ । प्रतिसेयर आम्दानी ५ रुपैयाँ २३ पैसाले बढेर ११ रुपैयाँ ३५ पैसा कायम भएको छ । बैंकको पुस मसान्तसम्म आइपुग्दा चुक्ता पुँजी २३ अर्ब ५४ करोड २४ लाख ९० हजार रुपैयाँ रहेको छ ।
