कात्तिक ४ गते । भारतीय अभिनेता–निर्देशक गोवर्धन असरानीको निधन भएको छ । लामो समयदेखि बिरामी रहनुभएको ८४ वर्षीय अनरानीको सोमबार मुम्बईस्थित निधि अस्पतालमा निधन भएको हो ।
१९४१ जनवरी १ मा जयपुरमा जन्मिएका असरानीले सन् १९६० दशकमा अभिनय यात्रा सुरु गर्दै करिब चार सयभन्दा बढि फिल्ममा अभिनय गर्नुभएको थियो ।
‘शोले’मा “अंग्रेजहरूको जमानाको जेलर” को भूमिकाबाट प्रसिद्ध भएका उनले ‘खट्टा मीठा’, ‘चुपके चुपके’, ‘बावर्ची’ लगायतका फिल्ममार्फत बलिउडमा आफ्नै हास्य पहिचान स्थापित गर्नुभएको थियो ।
असरानीले अभिनेत्री मन्जु बंसल इरानीसँग विवाह गर्नुभएको र उहाँहरू धेरै फिल्ममा सँगै देखिनुभएको थियो । सन् २००४ मा भारतीय कांग्रेस पार्टीमा आवद्ध भई राजनीतिमा पनि असरानी सक्रिय हुनुभएको थियो ।
लामो संघर्षपछि ‘गुड्डी’ फिल्मबाट सफलताको यात्रा सुरु गर्नुभएका असरानी भारतीय सिनेमामा अमर हास्य पात्रका रूपमा सधैँ सम्झिइरहने छन् ।
