काठमाडौंः प्रधानमन्त्री शेरबहादुर देउवाले पार्टीलाई थप सशक्त र बलियो बनाएर अघि बढ्ने बताउनुभएको छ । संसदीय दलको नेतामा निर्वाचित भएपछि प्रधानमन्त्री देउवाले पार्टीलाई व्यवधानमुक्त राख्ने काममा आफू लाग्ने बताउनुभयो ।
बुधबार भएको संसदीय दलको निर्वाचनमा देउवा ६४ मत ल्याएर विजयी हुनुभएको छ । देउवाका प्रतिष्पर्धी महामन्त्री गगन थापाले २५ मत प्राप्त गर्नुभयो । सभापति देउवा योसँगै छैठौं पटक पार्टीको संसदीय दलको नेता बन्नुभएको हो। यसअघि उहाँ विसं २०५१, २०५८, २०६३, २०७२ र २०७४ मा समेत संसदीय दलको नेता निर्वाचित हुनुभएको थियो ।
