काठमाडौं। रुकुम पूर्वको पुथा उत्तरगंगा गाउँपालिका-३ रन्माकी २ दिदीबहिनीको हत्या आरोपमा ७ जना पक्राउ भएका छन् । दिदीबहिनीको हत्या आरोपको घटनामा संलग्न ७ जनालाई प्रहरीले नियन्त्रण लिएको छ ।
गत चैत २२ गते घरबाट सिस्नु टिप्न गएका दिदीबहिनी १० वर्षीया रिना बुढामगर र ८ वर्षीया कालिमाया बुढामगर घर नआएपछि उनीहरूको आफन्तले खोजी गर्दा १ सय मिटर तल भिरमा शव भेटिएको थियो ।
मृतक दिदीबहिनीले लगाएको सुनको गहना लुटपाट गरिएको र सुनको लागि नै घटना भएको हुने सक्ने आशंका गरिएको जिल्ला प्रहरी कार्यालय रुकुमपुर्व प्रहरीले जनाएको छ ।
प्रहरीका अनुसार नाक र कानका गहना लुटेर उनीहरूको हत्या गरेर भीरमा फालिएको आशंका गरिएको छ । २ दिदीबहिनीको शवलाई रुकुमकोट ल्याएर शनिवार पोष्टमार्टम गरिएको छ।
