बारा । बाराको अमलेखगञ्जमा बस र ट्रक ठोकिँदा तीन जनाको मृत्यु भएको छ । बुधबार बिहान अमलेखगञ्जस्थित तीन नम्बर पुल नजिक बस र ट्रक जुध्दा तीन जनाको मृत्यु भएको हो ।
झापाको काँकडभिट्टाबाट काठमाडौं आउँदै गरेको बा ३००१ ख २५८७ नम्बरको बस र हेटौँडाबाट पथलैयातर्फ जाँदै गरेको ना ७ ख ७३०० नम्बरको ट्रक एक आपसमा ठोकिएको जिल्ला प्रहरी कार्यालय बाराका प्रवक्ता डीएसपी ददिराम न्यौपानेले जानकारी दिए ।
दुर्घटनामा परी ट्रक चालक तनहुँका २८ वर्षीय पूर्ण गुरुङ, मकवानपुर हेटौंडाका बस चालक ४० वर्षीय हरि शम्शेर र अर्का सनाखत हुन नसकेका एक पुरुषको मृत्यु भएको प्रवक्ता डिएसपी न्यौपानेले जानकारी दिए।
घाइतेमध्ये ७ जनाको अवस्था गम्भीर रहेको प्रहरीले जनाएको छ।
