सिन्धुली । सिन्धुलीमा बस दुर्घटना हुँदा २५ जना घाइते भएका छ्न । बिपी राजमार्गस्थित गोलन्जोर गाउँपालिका ७, तल्लो बारा भन्ने स्थानमा बस दुर्घटना बसमा सवार २५ जना घाइते भएको प्रहरीले जनाएको छ ।
महोत्तरीको बर्दिबासबाट काठमाडौतर्फ आउँदै गरेको ००१ प १७३२ नम्बरको पर्यटकीय बस दुर्घटना हुँदा घाइते भएका सबैलाइ खुर्कोटस्थित शुभ जीवन अस्पताल र सुनकोशी सामुदायिक अस्पतालमा उपचार भैरहेको जिल्ला प्रहरी कार्यालय सिन्धुलीका प्रमुख प्रहरी उपरिक्षक गोबिन्द काफ्लेले जानकारी दिनुभयो । उहाँका अनुसार बसमा ग्लोबल आईएमई बैंकका कर्मचारी रहेका थिए ।
बर्दिबासस्थित बैंकको तालिममा सहभागी भएर फर्कने क्रममा दुर्घटना भएको हो ।
घुमाउरो सडकमा विपरित दिशाबाट आएको स्कुटरलाई जोगाउँदा दुर्घटना भएको स्थानीयको अनुमान छ ।
बस सडकबाट करिब २५ मिटर तल खसेको छ। घटनाको थप विवरण आउन बाँकी छ ।।
