काठमाडौं-प्रधामन्त्री केपी शर्मा ओली र संयुक्त राज्य अमेरिकाका व्यवस्थापन तथा श्रोतसम्बन्धी उपविदेशमन्त्री रिचार्ड आर. बर्माबीच भेटवार्ता भएको छ।
सिंहदरबारस्थित प्रधानमन्त्री तथा मन्त्रिपरिषद् कार्यालयमा प्रधामन्त्री ओली र अमेरिकी उपविदेशमन्त्री बर्माबीच भेटवार्ता भएको प्रधानमन्त्रीको सचिवालयले जनाएको छ।
अमेरिकी दूतावासका अनुसार, शुक्रबार बिहान बर्मा नेपाल आइपुग्नु भएको हो। उहाँलाई अमेरिकी राजदूत डिन थम्पनले स्वागत गर्नुभयो।
भेटवार्ताका क्रममा उनीहरुबिच नेपाल र अमेरिकाबिचको पारस्परिक सम्बन्ध र द्धिपक्षीय हितका विषयमा छलफल भएको बताइएको छ।
उहाँले आजै परराष्ट्र मन्त्री आरजु राणा देउवालगायतसहित उच्चस्तरीय भेटघाट गर्ने कार्यक्रम रहेको छ।
